काठमाडौँ । लुम्बिनी प्रदेश सरकारले आज पूर्णता पाउने भएको छ । नयाँ सरकार बनेको करिब दुई महिना पुग्नै लाग्दा सरकारले पूर्णता पाउने भएको हो ।

आज मन्त्रिपरिषद विस्तार गरी १७ सदस्यीय मन्त्री मण्डल बनाउने भएको हो । जसमा मुख्यमन्त्रीसहित १३ मन्त्री र चार राज्यमन्त्री हुने छन् ।

आज विस्तार हुने मन्त्री मण्डलमा नेकपा एकीकृत समाजवादीसमेत सहभागी हुने भएको छ । आज कांग्रेसबाट तीन, दुई राज्यमन्त्री, माओवादी केन्द्रबाट दुई मन्त्री, दुई राज्यमन्त्री र नेकपा एकीकृत समाजवादीबाट एक जना मन्त्री हुने भएका हुन् ।

यसअघि प्रदेश सरकार सात सदस्यीय मन्त्री मण्डल रहेका थिए ।