गण्डकी । गण्डकी प्रदेशका मुख्यमन्त्री कृष्णचन्द्र नेपाली पोखरेलले राजनीतिक परिवर्तनसँगै परम्परागत मूल्य, मानयता, संस्कार र पर्वलाई समयानुकूल बनाउनुपर्ने बताएका छन् ।

विजयादशमी २०७८ का अवसरमा आज शुभकामना सन्देश जारी गर्दै उहाँले मौलिक पर्वहरुभित्र रहेका सकारात्मक र मानवीय जीवनको प्रगति र विकासका लागि मूल्यवान संस्कार प्रवृत्तिहरूको संरक्षण गर्नुपर्नेमा जोड दिएका छन् ।

नेपाल बहुजातीय, बहुभाषिक, बहुसांस्कृतिक एवं बहुधार्मिक विविधतायुक्त सुन्दर राष्ट्र भएको उल्लेख गर्दैै शुभकामना सन्देशमा उनले भने, “विविधतायुक्त विशेषताबीचको एकता हाम्रो मौलिक आयाम हो ।”

सबै जाति, भाषा संस्कृति र सभ्यताहरुको संरक्षण र विकास गर्नु हाम्रो दायित्व भएको उल्लेख गर्दै उनको सन्देशमा दसैँलगायतका हाम्रा सांस्कृतिक पर्वहरुले नेपाली समाज र मानव जीवनमा भातृत्व, भावनात्मक एकता र राष्ट्रिय गौरवका निम्ति विशिष्ट योगदान पु¥याउँदै आएको उल्लेख गरेका छन्। साथै यसलाई थप विकसित तुल्याएर राष्ट्रिय एकता हासिल गर्दै समृद्धि र सामाजिक परिवर्तनलाई संस्थागत गर्नु आजको आवश्यकता भएको सन्देशमा जनाइएको छ ।

आपसी सद्भाव, भाइचारा र मित्रवत् सम्बन्ध विकास गर्ने अवसरका रूपमा पर्व मनाउन सम्पूर्ण देश र विदेशमा रहेको नेपालीमा अनुरोध गर्दै मुख्यमन्त्री पोखरेलले सन्देशमा कोभिड–१९ को खतरा अभैm कायमै रहेकालेसरकारले जारी गरेको चाडपर्व तथा उत्सव मनाउँदा पालना गर्नुपर्ने मापदण्ड पूर्णरुपमा अपनाइ खुसीयाली साट्न जोड दिएको छ ।