काठमाडौं । कोभिड विरुद्धको १ लाख फाइजर खोप कार्तिक ८ गते (सोमबार) नेपाल आइपुग्ने भएको छ। उक्त नेपालमा गाभीले उपलब्ध गराउने खोप हो ।

माइनस ७० डिग्रीमा भण्डारण गर्नुपर्ने उक्त खोप गाभीले अनुदानमा एक लाख डोज उपलब्ध गराएको छ । उक्त खोप नेपालमा ट्रयालको रुपमा प्रयोग गरिने बताइएको छ।

फाइजरको खोपको गाइडलाइन नबनेको हुदाँ कुने उमेर समुहलाई दिने भन्ने विषय छलफल भइरहेको मन्त्रालयका एक कर्मचारीले बताए ।

नेपालमा माइनस तापक्रममा खोप भण्डारण गर्ने भौतिक पूर्वाधार नभएकाले युनिसेफले १०० लिटर क्षमताको ४ वटा फ्रिजर उपलब्ध गराइसकेको छ।

सरकारले १८ वर्षमुनिका बालबालिकाका लागि कोभ्याक्समार्फत ६० लाख डोज खरिद सम्झौता गरिसकेको छ। उक्त खोप भण्डारणका लागि समेत व्यवस्थापन महाशाखाले भौतिक पूर्वाधार निर्माण गररिहेको छ ।