काठमाडौँ । नेपालबाट भारततर्फ लैजादै गरेको लागु औषध चरेससहित एक महिला पक्राउ परेकी छन् । उनलाई बारा प्रहरीले मटियर्वास्थित दुई देशको सीमाबाट पक्राउ गरेको हो ।

पक्राउ पर्नेमा पर्सा पोखरिया नगरपालिका ४ सतबरिया बस्ने वर्ष ४१ की ललसादेवी रौनियार रहेको जिल्ला प्रहरी कार्यालय बाराले जनाएको छ । उनको तिघ्रामा लुकाइएको १४ पोकामा ७ किलो चरेस रहेको थियो ।

बरामद भएको चरेसको बजार मूल्य करिब पाँच लाखभन्दा बढी रहेको छ । घटनाबारे थप अनुसन्धान भइरहेको प्रहरीले जनाएको छ ।