काठमाडौँ । नेपाली बजारमा दसैँपछि लगातार बढेको सुनको मूल्य बुधबार प्रतितोला ६०० ले घटेको छ । आज छापावाल सुनको मूल्य प्रतितोला ९२ हजार तोकिएको छ । अन्तराष्ट्रिय बजारमा सुनको मुल्य बढेपछि नेपाली बजारमा पनि बढेको थियो ।

सुन प्रतितोला ९२ हजार ६०० मा कारोबार भएको थियो । नेपाल सुनचाँदी व्यवसायी महासंघले सार्वजनिक गरेको तथ्यांकानुसार तेजाबी सुनको आजको मूल्य प्रतितोला ९१ हजार ५०० रहने छ जसको मूल्य मंगलबार प्रतितोला ९२ हजार १०० तोकिएको थियो ।

महासंघका अनुसार आज चाँदीको मूल्य प्रतितोला १५ ले घटेर एक हजार २५० कायम भएको छ । चाँदी मंगलबार प्रतितोला एक हजार २६५ मा कारोबार भएको थियो ।