काठमाडौँ । एप्पल कम्पनीले हालै सार्वजनिक गरेको अपरेटिङ सिस्टम आईओएस १४ मा रहेको विज्ञापन रोक्ने फिचरले फेसबुकलाई निकै बेफाइदा भएको छ ।

आईओएस १४ मा ल्याइएको यो फिचरका कारण फेसबुक तथा एप्पिलबीच खिंचातानी बढ्दै गएको छ । फेसबुकले यो नयाँ अपडेटबाट उसको प्लेटफर्ममा गरिने विज्ञापनहरु नराम्ररी प्रभावित भएको आरोप एप्पलमाथि लगाएको छ ।

फेसबुकले आफ्नो प्लेटफर्ममा पिक्सेल टूलको सहायताले यूजरका ब्राउजिङ हिस्ट्री, सर्च गरिएका प्रोडक्ट आदिको हिसाबबाट लक्षित वर्गलाई विज्ञापन देखाउने गर्छ ।

यसबाट विज्ञापन मार्फत् सामग्री बेच्नेहरु तथा विज्ञापन राखेर शुल्क लिने फेसबुक दुवैलाई बेफाइदा भएको बुझिएको दी इकोनोमिक टाइम्सले जनाएको छ ।

यसैबीच एप्पलका संस्थापक टिम कुकले आईओएस १४ मा आइडेन्टिफायर फर एडभर्टाइजर (आईडीएफए) फिचर अपडेट गरिएको बताएका छन् ।

यसैबीच फेसबुक परफर्मेन्स मार्केटर हारुन पलले कम्पनीको आम्दानीमा निरन्तर परिवर्तन आइरहेको टाइम्सले उल्लेख गरेको छ ।

चाडबाडको सिजनमा पनि फेसबुकको विज्ञापन व्यवसायमा लगातार कमी हुँदै गइरहेको दक्षिण एशियाका सूचना प्राविधिकहरुले जनाएका छन् । फेसबुकले छिट्टै पिक्सेलमा परिवर्तन ल्याउने योजना समेत बनाएको छ ।