काठमाडौँ । बागमती प्रदेशका नवनियुक्त मुख्यमन्त्री राजेन्द्र पाण्डेले पद तथा गोपनीयताको शपथ लिएका छन् । बिहीबार उनलाई प्रदेश प्रमुख यादवचन्द्र शर्माले शपथ गराएक हुन् ।

अष्टलक्ष्मी शाक्यले पदबाट राजीनामा दिएसँगै पाण्डेले मुख्यमन्त्रीको शपथ लिएका हुन् ।

प्रदेशसभाका बहुमत सदस्यको समर्थनसहित मुख्यमन्त्रीमा दाबी पेश गरेका पाण्डेको पक्षमा नेपाली कांग्रेस, नेकपा माओवादी केन्द्र र नेकपा एकीकृत समाजवादीका १–१ जना नेता समावेश गरी मन्त्रिपरिषद विस्तार गरेका छन् ।