काठमाडौँ । शुक्रबार कानुन व्यवसायीबीच हातपात भएको छ । नेपाल बार एसोसिएसनको परिसरमा कानुन व्यवसायीबीच शुक्रबार हातपात भएको हो ।

नेपाल बारको भवनबाहिर कानुन व्यवसायीहरू हात हालाहात भएको हो । दुई पक्षबीच भएको हातपातमा अधिवक्ता भूमिनन्द चुडाल पिटिएका हुन् । उनीमाथि अर्का कानुन व्यवसायी विराट न्यौपानेले हातपात गरेका थिए ।

चुडालले इजलास चल्नु पर्नेमा जोड दिँदै न्यायालय बन्धक हुँदा अधिवक्ता समस्यामा परेको बताउँदै आएका थिए । सोही क्रममा उनी कुटिएका हुन् ।

प्रधानन्यायाधीश चोलेन्द्र शमशेरविरुद्ध आन्दोलनको कार्यक्रम घोषणा गर्न नेपाल बार एसोसिएसन कार्यसमितिको बैठक बसेको हो ।