शुक्रबार, पुष १८, २०८२

जेलबाट बाहिरिदा शारुख खानको छोराको भव्य स्वागत

मेरोन्यूज २०७८ कार्तिक १३ गते १२:४०

काठमाडौँ । बलिउड बादशाहका उपमा पाएका शारुख खानका छोरा आर्यन २८ दिन लामो हिरासत बसाईपछि आफ्नो घर मन्नत फर्किएका छन् । लागू औषध मुद्दामा पक्राउ परेका उनलाई बिहीबार बेलुका मुम्बई उच्च अदालतले १४ वटा सर्तसहित धरौटीमा रिहा गर्न आदेश दिएको थियो ।

आर्यनलाई नार्कोटिक्स कन्ट्रोल ब्यूरो (एनसीबी)ले २ अक्टोबरमा पानी जहाजमा आयोजना गरिएको ड्रग्स पार्टीबाट पक्राउ परेको थियो । यस प्रकरणमा उनीसहित २० जना पक्राउ परेका थिए ।

मिडियाको बाक्लो उपस्थितिका बीच उनी आर्थर रोडस्थित जेलबाट बाहिरिएका हुन् । उनका बुवा शाहरुख छोरालाई लिन जेलमै पुगेका थिए । उनको स्वागतमा मन्नतबाहिर सयौं प्रशंसक जम्मा भएर स्वागतमा आतसबाजी गर्दै नाराबाजी गरेका थिए । ‘राजकुमारलाई स्वागत छ’ लेखिएको ब्यानर समेत प्रदर्शन गरिएको थियो ।

आर्यनको रिहाईलाई भारतीय संचारमाध्यमले प्रत्यक्षप्रसारण गरेका थिए । अदालतले शुक्रबार नै रिहा गर्न भने पनि अदालती प्रक्रिया बाँकी हुँदा उनी शनिबार रिहा भएका हुन् ।

प्रतिक्रिया

सम्बन्धित

स्विट्जरल्याण्डको एक रिसोर्ट बारमा आगलागी हुँदा करिब ४० जनाको मृत्यु

युक्रेनी ड्रोन आक्रमणबाट रुसमा २४ जनाको मृत्यु

नगद तथा गरगहनासहित एक जना पक्राउ

सन् २०२५ मा १२८ पत्रकारको हत्या

‘हिट एण्ड रन’ नियन्त्रणमा सक्रिय बन्दै प्रहरी

नख्खु कारागारबाट फरार ३० प्रतिशत कैदी सम्पर्कविहीन