काठमाडौं । नेपालमा पछिल्लो २४ घण्टाको अवधिमा थप ३७२ जनामा कोरोना संक्रमण पुष्टी भएको छ ।

देशभरका विभिन्न प्रयोगशालामा पछिल्लो २४ घण्टामा ५३१६ जनामा पिसिआर परिक्षण गर्दा २९७ जना र २५९५ जनामा एन्टीजेन परिक्षण गर्दा ७५ जना गरी ३७२ जनामा कोरोना संक्रमण पुष्टी भएको स्वास्थ्य तथा जनसंख्या मन्त्रालयले जनाएको छ ।

यस्तै, पछिल्लो २४ घण्टाको अवधि कोरोना संक्रमण पुष्टी भएका थप ११ जनाको मृत्यु भएको छ । योसँगै कुल मृत्यु संख्या ११ हजार ३९९ पुगेको मन्त्रालयले जनाएको छ ।

२४ घण्टाको अवधिमा थप ९ सय ११ जना कोरोना संक्रमणमुक्त भएको पनि मन्त्रालयले जनाएको छ ।

योसँगै नेपालमा कोरोना जित्नेको संख्या ७ लाख ९१ हजार २६९ जना पुगेको छ । नेपालमा कोरोना निको हुने दर ९७.४ प्रतिशत रहेको मन्त्रालयले जनाएको छ ।

देशभर अहिले सक्रिय संक्रमितको संख्या ९ हजार ५२६ जना रहेको स्वास्थ्य मन्त्रालयले जनाएको छ ।

हालसम्म कूल सङ्क्रमित मध्ये ७ लाख ९१ हजार २६९ जना सङ्क्रमणमुक्त भइसकेका छन् ।

काठमाडौँ उपत्यकामा मात्रै १०३ जनामा कोरोना

पछिल्लो २४ घण्टामा काठमाडौँ उपत्यकामा मात्रै १०३ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार काठमाडौँमा १०३ जना, भक्तपुरमा २० जना र ललितपुरमा ४५ जना कोरोना संक्रमित थपिएका हुन् ।