काठमाडौं । सत्तारुढ राजनीतिक दलहरुले केन्द्र, प्रदेश र स्थानीय तहको निर्वाचन एकैपटक गर्नेबारेमा छलफल चलाएका छन् ।

सोमबार पार्टी निकटका निजामती कर्मचारीहरुको कार्यक्रममा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले केन्द्रदेखि स्थानीय तहको निर्वाचन एकैपटक गर्नेबारेमा दलहरुबीच छलफल भइरहेको बताए ।

राज्यलाई कम आर्थिक भार पर्ने तथा जनतालाई पनि कम दुःख हुने भएकाले एकै पटक सबै निर्वाचन गर्ने भन्नेमा छलफल भइरहेको प्रचण्डले बताए । दलहरुबीच निर्वाचनको मोडालिटीबारेमा विभिन्न किसिममा छलफल भइरहेको उनको भनाइ थियो ।

उनले संघ, प्रदेश र स्थानीय तहको निर्वाचन एकै पटक निर्वाचन गर्ने वा पहिले प्रतिनिधिसभाको निर्वाचन गरेर मात्र स्थानीय तहको निर्वाचन गर्नेबारे भन्ने निश्कर्ष आइनसकेको बताए । निर्वाचन आयोगसँग छलफल गर्न भने बाँकी नै रहेको अध्यक्ष प्रचण्डले बताए ।