काठमाडौँ । कानुन व्यवसायीहरूले गृहमन्त्रीको राजीनामा मागेका छन् । प्रधानन्यायाधीश चोलेन्द्र शमशेर जबराको राजीनामा माग्दै आन्दोलन गरिरहेका कानुन व्यवसायीले गृह मन्त्री बालकृष्ण खाँणको राजीनामा मागेका हुन् ।

शान्तिपूर्ण आन्दोलनमा सर्वोच्च परिसरभित्रै दंगा प्रहरी परिचालन गरेको भन्दै गृह प्रशासनदेखि रुष्ट हुँदै आएको कानुन व्यवसायीहरूले गृहमन्त्रीको राजीनामा मागेको हो । आइतबारको विरोध प्रदर्शनमा नेपाल बार एशोसिएसनका उपाध्यक्ष ईश्वरी भट्टराईले गृहमन्त्री राजीनामा देऊ भन्दै नारा लगाएका थिए ।

गत बिहीबार प्रदर्शनका क्रममा प्रहरीले बल प्रयोग गर्दा नेपाल बारका अध्यक्ष चण्डेश्वर श्रेष्ठसहित १२ जना घाइते भएका थिए ।