काठमाडौँ । पार्टीको १० औँ महाधिवेशन नजिकिदै गर्दा नेकपा एमालेले स्थायी कमिटी बैठक बोलाएको छ । तुलसीलाल अमात्य प्रतिष्ठानमा बस्ने गरी सोमबार दिउँसो ३ बजे बैठक बोलाएको एमाले केन्द्रीय कार्यालय सचिव शेरबहादुर तामाङले जानकारी दिए ।

आजको बैठकमा महाधिवेशनका लागि केन्द्रीय कमिटीले छनोट गर्ने ५ प्रतिशत महाधिवेशनका बारेमा छलफल हुने भएको छ । एमालेको विधानअनुसार केन्द्रीय कमिटीले ५ प्रतिशत महाधिवेशन प्रतिनिधि मनोनयन गर्ने छ । आजको बैठकमा मनोनित गर्ने प्रतिनिधिको नाम पेश हुने भएको छ ।

एमालेको १० औँ राष्ट्रिय महाधिवेशन आगामी १०–१२ गते चितवनमा हुँदै छ ।