काठमाडौं । प्रधानमन्त्री शेरवहादुर देउवा र प्रतिपक्षी दलका नेता केपी ओली वीच झण्डै ६ महिनापछि प्रत्यक्ष भेटवार्ता हुँदैछ । भेटमात्रै होइन, यी दुई नेताका वीचमा एउटै मञ्चमा सँगै बस्ने कार्यक्रम पनि बनेको छ ।

ओलीको झण्डै ४२ महिना नेतृत्व गरेको सरकारको विकल्पमा कांग्रेस सभापति शेरवहादुर देउवाको नेतृत्वमा सरकार बनाउन सर्वाेच्च अदालतले गत असार २८ मा परमादेश जारी गरेयता ओली र देउवाका वीचमा प्रत्यक्ष भेटवार्ता भएको थिएन ।

हुन त त्यस अगाडी पनि कांग्रेसले माओवादी केन्द्र लगायतका अन्य दलहरुसँग गठबन्धनको प्रयास गरेर आफुलाई विस्थापनको कोसिस गरेपछि देउवा र ओलीका वीचमा भेटवार्ता खास्सै हुन छोडेको थियो । तर जव अदालतले ओलीलाई सत्ताच्यूत गरिदियो त्यसपछि भने ओलीले देउवालाई भेट्नै चाहेका थिएनन ।

२९ असारमा राष्टपति निवासमा कांग्रेस सभापति शेरवहादुर देउवाले प्रधानमन्त्रीका रुपमा सपथ ग्रहण लिँदा समेत ओली तयहाा पुगेनन । उनले देउवालाई प्रधानमन्त्रीका रुपमा अहिलेसम्म भेटेर वधाई सम्म पनि दिएका छैनन । संसदमा पनि देउवाले विश्वासको मत लिने वेला मुखामुख गरेपनि खास सम्वाद यी नेताहरुका वीचमा भएको थिएन ।

त्यसयता एमालेले आफनो दललाई विभाजन गर्न सरकारले अध्यादेश ल्याएको र दल विभाजन गरिदिएको , सभामुखले पूर्वाग्रह राखेर काम गरेको आक्षेप लगाउँदै निरन्तर संसद अवरुद्द गर्ने काम गरिरहयो । जसकाकारण अहिले संसद नै चलेको छैन । चालु संसदको अधिवेशन एमालेको निरन्तरको अवरोधका कारण सरकारले पनि ढुक्कैले अन्त्य गरेर वसिदिएको छ ।

द्येउवाले ओलीसँग सम्वन्ध सुधारका लागि आफना क्याबिनेटका मन्त्री ज्ञानेन्द्रबहादुर कार्कीलाई पटक पटक ओलीको बालकोट स्थित निवासमै पठाएपनि ओली देउवाको प्रस्तावमा सकारात्मक भएका थिएनन ।

तर अहिले ओली देउवा भेटको संयोग भने जुराईदिएको हो – एमालेको दशौं महाधिवेशनले । महाधिवेशनका लागि एमालेले प्रधानमन्त्री देउवा सहितका अन्य राजनीतिक दलका शीर्ष नेताहरुलाई निम्तो पठाएको थियो । माधव नेपाल नेतृत्वको नेकपा (एकीकृत समाजवादी)लाई अवैध ढंगले जन्मिएको पार्टी भन्दै निम्तो नपठाएपनि अन्य पार्टीका शीर्ष नेतालाई ओलीले महाधिवेशनमा शुभकामनाका लागि निम्तो पठाएका थिए ।

प्रधानमन्त्री देउवालाई पनि ओलीले संसदीय दलका उपनेता सुवास नेम्वाङ र राजन भटटराईलाई पठाएर निम्तो गरेका थिए । त्यही निम्तो मान्न र एमाले महाधिवेशनमा शुभाकमना सन्देश दिन प्रधानमन्त्री अहिले केही वेरमा हेलिकप्टरमार्फत चितवन एमाले महाधिवेशन स्थल जान लागेका हुन ।

त्यही ओली र देउवाका वीचमा प्रत्यक्ष भेटघाट र सम्वाद हुन लागेको हो ।