काठमाडोँ । नेकपा एकीकृत समाजवादीका अध्यक्ष माधव कुमार नेपालले पूर्वराज ज्ञानेन्द्र बहादुर शाहले पार्टी खुले राम्रो हुने बताएका छन् । नेपाली कांग्रेसको १४ औं महाधिवेशनलाई सम्बोधन गर्दै उनले नेपालमा राजाको सम्भावना नभएकाले पूर्वराजाले पार्टी खोले राम्रो हुने बताए ।

उनले राजालाई सुझाव दिदै पार्टी वा व्यापार व्यवसायी गरेर बसे राम्रो हुने बताए । उनले नेपालले अब बंशको शासन स्वीकार्य नहुने बताए ।

यस्तै अध्यक्ष नेपालले प्रतिगामी तत्वहरुले फेरि शीर उठाउने काम गरिरहेको बताए । प्रतिगामी तत्वहरुले शीर उठाउने काम गरिहरेको भन्दै उनले नदिको प्रवाह अगाडि बढिसकेकाले फेरि पछाडि फर्किन नसक्ने बताए । उनले भने, ‘म प्रतिगामी तत्वहरूलाई भन्न चाहन्छु, फेरि शीर उठाउने दुस्साहस नगर्नुस् । यदि त्यस्तो भयो भने नेपाली जनता फेरि ज्वालामुखी झैं विष्फोट हुनेछन् । समाधान अरुलाई उस्काउने काम नगर्नुहोस् ।’