काठमाडौँ । नेपाली कांग्रेसको शुक्रबारबाट काठमाडौंमा शुरु भएको १४ औं महाधिवेशनमा निर्वाचन कार्यक्रम शुरु भएको छ ।

कांग्रेसको निर्वाचन समितिले शुक्रबार नै महाधिवेशनका लागि मतदाताको अन्तिम नामावली प्रकाशित गरेको छ ।

समितिका सचिव जगन्नाथ श्रेष्ठकाअनुसार महाधिवेशनमा मतदाताको संख्या ४ हजार ७ सय ४३ रहेको छ ।

उम्मेदवारी दर्ता २५ गते विहान १० बजेदेखि साँझ ५ बजेसम्मका लागि तोकिएको छ ।

दावी विरोध लगायतका प्रक्रिया पूरा गरेर २६ गते साँझ ५ बजे उम्मेदवारहरुको अन्तिम नामावली प्रकाशित हुनेछ भने २७ गते सोमवार विहान ८ बजे मतदान हुनेछ ।