काठमाडौँ । नेपाली कांग्रेसको सभापतिका लागि जारी मतगणनामा शेरबहादुर देउवाले शेखर कोइरालासँगको मतान्तर बढाउँदै लगेका छन् ।

पाँच प्रतिष्पर्धी रहे पनि देउवा र कोइरालाबीच मुख्य प्रतिष्पर्धा देखिएको छ । राष्ट्रियसभा गृहमा बिहानदेखि सुरु भएको मतगणनाको क्रममा मंगलबार विहान ७ बजेसम्म २ हजार ६ मत गणना हुँदा देउवाले ९५८ मत वाइका छन् भने शेखरले ७ सय २६ मत प्राप्त गरेका छन् ।

अर्का उम्मेदवार प्रकाशमान सिंहले १५३ मत प्राप्त गरेका छन् । त्यस्तै विमलेन्द्र निधिले ११७ मत मात्रै पाएका छन् ।
पाँचौं स्थामा रहेका कल्याण गुरुङले अहिलेसम्म ६ मत मात्र प्राप्त गरेका छन् ।

चार हजार ६७९ मत खसेकाले सभापतिमा जित्न २३४० मत ल्याउनुपर्ने भएको छ । त्यति मत नआएमा बढी ल्याउने दुई जनाबीच पुन चुनाव हुनेछ ।

आइतबार मध्यान्ह सुरु भएको मतदान राति पौने १२ बजेतिर मात्र सकिएको थियो । कुल ४ हजार ७४३ प्रतिनिधिमध्ये ४ हजार ६७९ मत खसेको थियो ।