काठमाडौं । प्रधानमन्त्री शेरबहादुर देउवाले नेता प्रकाशमान सिंहलाई मन्त्री बनाउने प्रस्ताव अघि सारेका छन् ।

नेपाली कांग्रेसको १४ औं महाधिवेशनमा सभापति पदमा बहुमत नपुगेपछि दोस्रो चरणमा मतदान हुने भएपछि सिंहलाई भेट्न पुगेका देउवाले मन्त्रीको प्रस्ताव अघि सारेका हुन् ।

सभापति पदमा ८१ मत नपुगेपछि पुनः मतदानमा आफूलाई सहयोग गर्न देउवाले सिंहलाई आग्रह गरेका थिए । सोही क्रममा कांग्रेस नेता सिंहलाई उपप्रधानमन्त्रीसहित सरकारमा सहभागी गराउने प्रस्ताव शेरबहादुर देउवाले गरेको स्रोतले बताएको छ ।

मंगलबार सिंह निवास पुगेका देउवाले सिंहलाई उक्त प्रस्ताव गरेको स्रोतले जानकारी दियो । ‘उपप्रधान तथा गृहमन्त्रीको प्रस्ताव गरिएको तर कुनै निर्णय भइसकेको छैन ।’– स्रोत भन्यो ।