काठमाडौँ । शीतलहर​सँगै सोमबार मधेसमा यो वर्षकै सबैभन्दा बढी चिसो मापन गरिएको छ । शीतलहरका कारण मधेसको जनजीवन कष्टकर बनेको छ ।

अत्यधिक चिसोका कारण मधेसका स्थानीबासीहरू घरबाहिर निस्केका छैनन् । मौसम पूर्वानुमान महाशाखाले आज यो वर्षकै सबभन्दा बढी चिसो मापन गरेको छ ।

मधेसमा आजको न्युनतम तापक्रम ६.० डिग्री सेल्सियस मापन गरिएको छ । आजको न्युनतम तापक्रम यो वर्षकै सबभन्दा कम रहेको मौसम पूर्वानुमान कार्यालय सिमराले जनाएको छ ।

बाक्लो हुस्सुका कारण सवारी साधन आवागमनमा समेत कठिनाई भएको छ ।