काठमाडौं । ननेपाली कांग्रेसको खुल्ला महिला केन्द्रीय सदस्यतर्फको मतगणना अहिले जारी छ । हालसम्म १ हजार ३ सय ६४ मत गणना सकिएको निर्वाचन समितिले जनाएको छ ।

अहिलेसम्म डा.डिला संग्रौला पहिलो स्थानमा रहेकी छिन् । उनले ८ सय २५ मत पाउँदा पुष्पा भूसाल ८०२ मतसहित दोस्रो स्थानमा रहेकी छिन् । प्रधानमन्त्री एवं कांग्रेस सभापति शेरबहादुर देउवाकी पत्नी आरजु राणा देउवा ७२८ मतका साथ तेस्रो स्थानमा रहेकी छिन् ।

अम्बिका बस्नेत ६५८ मतसहित चौथो स्थानमा रहँदा ईश्वरी न्यौपाने ६४० मतसहित पाँचौ स्थानमा रहेकी छिन् । त्यस्तै सरिता प्रसाइ ६२४ मतसहित छैटौ स्थानमा रहेकी छिन् ।
त्यसैगरी, सातौं स्थानमा रमा कोइराला ५२९ मत ,शुशिला ढकाल आठौं स्थानमा रहेकी छिन् । उनले ५१९ मत ल्याएकी छिन् । भने अनिता देवकोटा ५१३ मत ल्याएर ९ औं नम्बरमा छिन् । खुला महिला केन्द्रीय सदस्यतर्फ ९ जना जिवयी हुनेमा ३० जना प्रतिष्प्रधामा रहेका छन् ।