काठमाडौं । नेपाली काँग्रेसको लुम्बिनी प्रदेशको खुला दुई सदस्यमा देवेन्द्रराज कँडेल ‘मुन्नाबाबु’ र चन्द्रबहादुर केसी निर्वाचित भएका छन् ।

मंगलबार सम्पन्न मतगणनामा कँडेलले २ हजार ७ सय २७ र केसीले २ हजार २ सय ६७ मत प्राप्त गरी विजयी भएका हुन् । दुवै जना पार्टी सभापति शेरबहादुर देउवा पक्षका हुन् ।

खुलातर्फका ६ प्रतिस्पर्धीमध्येबाट कँडेल र केसी निर्वाचित भएका हुन् ।

यस्तै, महिलातर्फ लुम्बिनी प्रदेशबाट २ हजार ६ सय ७३ मत प्राप्त गरी शिला शर्मा खड्का निर्वाचित भएकी छन् । उनी काँग्रेसका स्व. नेता खुमबहादुर खड्काकी पत्नी समेत हुन् ।

महिलातर्फको एक पदमा तीन जना प्रतिष्पर्धामा थिए ।