काठमाडौँ । नेपाली कांग्रेस प्रदेश २ को नयाँ नेतृत्व चयन गर्न मतदान शुरु भएको छ । आज बिहानदेखि मतदान सुरु भएको हो ।

बुधबार मतदान हुने कार्य तालिका रहे पनि मतपत्र छाप्न् ढिलाई हुँदा मतदान एक दिन पछि सरेको हो । जनकपुरधामस्थित गोपाल धर्मशालामा मतदान शुरु भएको निर्वाचन समितिले जनाएको छ ।

सहमतिमा नेतृत्व टुंगो लाग्न नसक्दा दुई प्यानलबीच मतदान हुने भएको हो । संस्थापन पक्षले कांग्रेस रौतहटका सभापति कृष्ण यादवको नेतृत्वमा प्यानलसहित उम्मेदवारी दर्ता गराएको छ । यस्तै, अर्को पक्षले कांग्रेस प्रदेश २ संसदीय दलका नेता रामसरोज यादवको नेतृत्वमा प्यानलसहित उम्मेदवारी दर्ता गराएको छ ।