काठमाडौँ । बेलायतमा एकै दिन अहिलेसम्मकै सबैभन्दा बढी संक्रमित पाइएका छन् । यहाँका अधिकारीहरुले दिएको जानकारीअनुसार बुधबार मात्र एक लाख ६ हजार जनाभन्दा बढी संक्रमित भेटिएका हुन् ।

यसअघि एकै दिनमा ९६ हजार जनामा कोरोना संक्रमित भेटिएका थिए । कोरोना संक्रमण सुरु भएदेखि एकै दिनमा देखिएको यो सबैभन्दा बढी संक्रमित संख्या हो ।

बेलायतमा पछिल्ला केही हप्ताहरुमा कोरोनाको प्रकोप बढ्दै गएको देखिएको छ । हरेक दिन जसो सबैभन्दा धेरै संक्रमितहरु देखिन थालेका छन् । यहाँका अधिकारीहरुले प्रकोप शुरू भएयताकै सबैभन्दा धेरै संक्रमित बढेका बताइरहेका छन् ।

बेलायतमा समययता हरेक दिन कोभिडको घातक मानिएको ओमिक्रोन भेरियन्ट पनि बढ्दो देखिएको छ । यस कारण कतिपय कार्यक्रमहरुमा पनि प्रतिबन्ध लगाउन सुरु गरिएको छ ।

बेलायतमा अहिलेसम्म एक करोड १६ लाखभन्दा बढी संक्रमित पुगेका छन् । त्यसैगरी बेलायतमा यो संक्रमणबाट मृत्यु हुनेको संख्या एक लाख ४७ हजार भन्दा बढी पुगेको बताइएको छ ।