काठमाडौं । काठमाडौं जिल्ला प्रशासन कार्यालयले सिनामंगलस्थित काठमाडौं मेडिकल कलेजका सञ्चालक सुनील शर्मा र आन्दोलित विद्यार्थीहरुलाई बोलाएर छलफल गरेको छ ।

उक्त छलफल बिनानिष्कर्ष टुङगिएको एक विद्यार्थीले बताए ।

पुस ५ गते एमबीबीएस र बिडिएसका विद्यार्थीहरूले कलेजले शिक्षण शुल्कबाहेक विभिन्न शीर्षकमा २० लाख रुपैयाँ अतिरिक्त शुल्क मागेको भन्दै विद्यार्थीहरुले कलेजमा ताला लगाएका थिए । सोही दिन जिल्ला प्रसासन कार्यालयमा विद्यार्थीहरुले कलेजविरुद्ध उजुरी दिएका थिए ।


चिकित्सा शिक्षा आयोगले गत वैशाख २९ गते तोकेको शुल्क अनुसार उपत्यकाभित्र ४० लाख २३ हजार २५० रुपैंया र उपत्यकाबाहिर ४४ लाख ३६ हजार २५ रहेको छ । केएमसीले विद्यार्थीलाई उपलब्ध गराएको शुल्कको विवरणमा शिक्षक शुल्कबाहेक नै २० लाख बढी मागेको एक विद्यार्थीले बताए ।