काठमाडौँ । बर्दिबास नगपालिका ९ पशुपतिनगरबाट १४ वर्षीय एक बालकलाई प्रहरीले जबर्जस्ती करणी प्रयासको आरोपमा पक्राउ गरेको छ । सोही ठाउँकी १४ वर्षीया बालिकालाई जबरजस्ती करणी गर्न खोजेका मौखिक उजुरीको आधारमा बालकलाई पक्राउ गरेको इलाका प्रहरी कार्यालय बर्दिबासले जनाएको छ ।

घाँस काट्ने क्रममा बालिकालाई करणी गर्न खोजेको परिवारिक स्रोतको आरोप छ । तर, अहिलेसम्म पीडित पक्षले लिखित जाहेरी दिएको छैन । जाहेरी प्राप्त नभएसम्म आरोपीको पहिचान खुलाउन नमिल्ने प्रहरीको भनाई छ ।

उनलाई इलाका प्रहरी कार्यालय बर्दिबासले नियन्त्रणमा लिएको छ । जाहेरी प्राप्त भएपछि थप अनुसन्धान अगाडि बढाउने प्रहरीले जनाएको छ ।