काठमाडौँ । कोरोना भाइरस (कोभिड–१९) संक्रमण बढेपछि भारतको राजधानी नयाँ दिल्लीमा पुनः रात्रिकालीन लकडाउन गर्ने भएको छ । कोभिडको नयाँ भेरियन्ट ओमिक्रोनका कारण संक्रमितको संख्या बढेपछि राज्य सरकारले सोमबारदेखि लकडाउन गर्ने भएको हो ।

राति ११ बजेदेखि बिहान ५ बजेसम्म लकडाउन लगाउने भएको हो । भारतमा पछिल्लो २४ घण्टामा सात हजार जनामा कोभिड संक्रमित भेटिएका छन् । उनीहरुमध्ये ४२२ जनामा नयाँ भेरियन्ट देखिएको छ ।

नयाँ भेरियन्टका बिरामी र अधिकांश संक्रमित नयाँ दिल्लीमा देखिएका छन् । यसअघि उत्तर प्रदेशमा रात्रिकालीन लकडाउन लगाइएको थियो ।

अंग्रेजी नयाँ वर्षमा होटल, रेस्टुराँ, सांगीतिक क्लबलगायत बढी भिडभाड हुने क्षेत्रमा मानिसहरूको चहलपहल बढ्ने भएकाले विभिन्न राज्यमा निषेधाज्ञा र कर्फ्यू लगाइएको छ ।