काठमाडौँ । नेकपा माओवादी केन्द्रको आठौं महाधिवेशनको बन्दसत्र चलिरहेको छ । सोमबार काठमाडौंको कमलादीस्थित प्रज्ञा भवनमा जारी बन्दसत्रमा अध्यक्ष पुष्पकमल दाहाल प्रचण्डले राजनीतिक प्रतिवेदन प्रस्तुत गरेका हुन् ।

प्रचण्डले २ घण्टा १८ मिनेट लगाएर राजनीतिक प्रतिवेदन प्रस्तुत गरेका छन् । उनले वैचारिक तथा राजनीतिक दस्तावेज प्रस्तुत गरेका हुन् । अध्यक्ष प्रचण्डले राजनीतिक प्रतिवेदन प्रस्तुत गरिसकेसँगै विधान मस्यौदा प्रस्तुत हुनेछ । स्थायी समिति सदस्य देव गुरुङले विधान मस्यौदा प्रस्तुत गर्नेछन् ।

प्रचण्डको राजनीतिक प्रतिवेदन र विधान मस्यौदामाथि समूहमा विभाजन गरी छलफल हुने माओवादीले जनाएको छ । आइतबारबाट सुरु भएको माओवादी केन्द्रको महाधिवेशन १५ गतेसम्म चल्नेछ । महाधिवेशनले १५ पदाधिकारीसहित २९९ जना केन्द्रीय सदस्य चयन गर्नेछ ।