चितवन । चितवनमा प्रमुख जिल्ला अधिकारी (सिडियो) आसमान तामाङले मत्स्यपालन किसानहरुमाथि अमर्यादित ब्यवहार प्रदर्शन गरेका छन् । प्रजिअ तामाङको ब्यवहारले किसानहरु त्रसित बनेका छन् ।

बजारमा फर्मालिनयुक्त भारतीय माछाहरु विक्री भइरहेको अवस्थामा मत्स्यपालक किसानहरुले त्यस्ता माछाहरुको अनुगमनका लागि निवेदन दिएकोमा प्रशासनले बेवास्ता गर्दै आएको छ ।

आइतबार प्रजिअ चढ्ने ना १ झ ४९९ नम्बरको सरकारी गाडीमा प्रजिअ तामाङकी श्रीमति नेपाल मत्स्य ब्यवसायी संघ चितवन अध्यक्ष खगेन्द्र सुवेदीको फार्म अक्वा ब्रिडर्स नेपालमा पुगेर प्रतिकेजी ३ सय रुपैयाँको दरले माछा किनेर लगेकी थिइन् ।

सोही दिन बेलुका एक्कासी प्रजिअकै नेतृत्वमा आएको टोलीले माछा ब्यवसायी लुलाराज तामाङलाई गाली गलौज र दुब्र्यवमार गरेको थियो । टोलीले तामाङको डिप फ्रिजमा ताला लगाउने काम गरेकोमा ब्यवसायीहरुले प्रशासनको दादागिरी भनेका छन् ।

ब्यवस्था गर्दै पोखरीको ताजा माछाको बजार प्रवद्र्धनका लागि प्रतिवद्ध किसानहरु प्रति यसप्रकारको दुरुत्साहन गरेको भन्दै मत्स्य ब्यवसायी संघले घटनाको भत्र्सना गरेको छ ।

प्रशासनले प्रशासन प्रतिनिधि सुनिल लम्साल, जिल्ला भेटेनरी अस्पतालका डा.प्रभात न्यौपाने र नेपाल मत्स्य ब्यवसायी संघका केन्द्रीय अध्यक्ष अब्बिकाप्रसाद अधिकारीको संयुक्त हस्ताक्षरमा भ्याकुम शिल प्याक गरी पसलमा रहेको माछाहरुको नमुना गुणस्तर परीक्षणका लागि पठाइएको छ ।