काठमाडौं । नेपालमा थप ९४४ जनामा कोरोना भाइरसको संक्रमण पुष्टि भएको छ।

पछिल्लो २४ घण्टामा १३ हजार २६४ जनाको कोरोना परीक्षण गर्दा शनिबार ९४४ जना संक्रमित थपिएको स्वास्थ्य तथा जनसंख्या मन्त्रालयले जनाएको छ ।

९ हजार ७६२ जनाको पिसिआर परीक्षण र ३ हजार ५०२ जनाको एन्टिजेन परीक्षण गरिएको थियो ।

पछिल्लो २४ घण्टामा कोरोनाको संक्रमणबाट मृत्यु हुनेको संख्या भने शून्य छ ।

काठमाडौं उपत्यकामा मात्रै शनिवार ४८१ संक्रमित थपिएका छन् । जसमध्ये काठमाडौंमा ३६२, भक्तपुरमा २५ र ललितपुरमा ९४ गरी ४८१ जना थपिएका हुन् ।

सोही अवधिमा २९७ कोरोना संक्रमणमुक्त भएको पनि मन्त्रालयले जनाएको छ।

हाल नेपालमा सक्रिय संक्रमितको संख्या ६ हजार १४० पुगेको छ।