काठमाडौं । सरकारले दूधको मूल्य वृद्धि गर्ने तयारी गरेको छ । दूग्ध विकास बोर्डले दूधको मूल्य प्रतिलिटर १० रुपैयाँ वृद्धि गर्न कृषि तथा पशुपन्छी विकास मन्त्रालयलाई सिफारिस गरेको छ ।

हाल प्रतिलिटर ७६ रुपैयाँ रहेको दूधको मूल्य बढेर अब ८६ रुपैयाँ पुग्नेछ ।

राष्ट्रिय दुग्ध विकास बोर्डका प्रवक्ता डा. बालक चौधरीले प्रतिलिटर १० रुपैयाँ मूल्य वृद्धिका लागि कृषि तथा पशुपन्छी विकास मन्त्रालयलाई सिफारिस गरेको बताए ।

प्रतिलिटर १० रुपैयाँ वृद्धि गरिँदा किसानलाई ७ रुपैयाँ र उद्यागीलाई ३ रुपैयाँ बढ्ने पनि बोर्डले जनाएको छ ।

यसअघि २०७५ सालमा दूधको मूल्य वृद्धि गरिएको थियो । किसानले भने दूधको मूल्य पानी बराबर भएकाले किसानहरु मारमा पर्दै आएको गुनासो गर्दै आएका छन् ।