काठमाडौँ । हाल देशमा कुनै उल्लेखनीय मौसमी प्रणाली सक्रिय छैन । देशका पहाडी भागमा आंशिक बदली रहेने छ भने तराईका केही स्थानमा बाक्लो हुस्सु–कुहिरो लागेको छ ।

मौसम पूर्वानुमान महाशाखाका अनुसार आज सुदूरपश्चिम प्रदेश, कर्णाली प्रदेश, लुम्बिनी प्रदेश र गण्डकी प्रदेशमा आंशिकदेखि सामान्य बदली तथा बाँकी प्रदेशमा मौसम आंशिक बदली रहने छ । यस्तै राति गण्डकी, लुम्बिनी, कर्णाली तथा सुदूरपश्चिम प्रदेशमा आंशिकदेखि सामान्य बदली रहने छ ।

महाशाखाले देशभर चिसो बढेको भन्दै चिसोबाट बच्न सबैलाई अनुरोध गरेको छ ।