काठमाडौँ । नेपालका लागि फक्सवागन गाडीको आधिकारिक वितरक पुजा इन्टरनेसनल नेपाल प्रा. लि.ले कम्पनीको टप रेञ्जको फ्ल्यागसिप मोडल ट्वारेग–आर नेपाल भित्र्याएको छ । पहिलेदेखि नै लोकप्रिय ट्वारेग अब आर–ट्रिटमेन्टका साथ प्रशस्तै फिचर थप भएर आएको छ ।

क्लास लिडिङ ठूला एसयूभीका लागि फक्सवागन विश्वमै परिचित छ । नयाँ एसयूभी ट्वारेग–आर विश्व प्रसिद्ध ६ सिलिन्डर भी ६, ३.० लिटर टबोचाज्र्ड पेट्रोल इञ्जिनद्वारा सञ्चालित छ, जसले ५३००–६४०० आरपीएममा ३४० पीएस पावर र १३७०–४५०० आरपीएममा ४५० एनएम टर्क जेनेरेट गर्छ ।

नयाँ ट्वारेग–आरमा आठ स्पिड अटोमेटिक गियरबक्स, २० इन्चको एलोय ह्वील, ट्र्याक्सन कन्ट्रोल र फोर ह्विल ड्राइभ रहेको छ । जसले अत्यन्तै प्रतिकूल मौसम तथा रोडमा पनि सिमलेस ड्राइभिङको अनुभव दिन्छ ।

नयाँ एसयूभी ट्वारेग–आरले बजारमा आफ्नो उपस्थिति बलियो प्रमाणित गर्ने विश्वास गरिएको छ । कम्पनीले नयाँ ट्वारेग–आरको प्रारम्भिक मूल्य ३.२५ करोड राखेको छ जुन बियम्डब्लु एक्स फैब, रेण्ज रोभर स्पोर्ट्स आदिसँग प्रतिस्पर्धा गर्ने छ ।