काठमाडौं । श्रम, रोजगार तथा सामाजिक विकास मन्त्री कृष्णकुमार श्रेष्ठले मन्त्रालय सम्हालेको सय दिन पूरा भएको छ ।

मन्त्री श्रेष्ठले एक सय दिनको उपलब्धि सोमवार सार्वजनिक गरेका छन् ।

मन्त्री श्रेष्ठले सय दिनको अवधिमा श्रम क्षेत्रका समस्या समाधान गर्न, वैदेशिक रोजगारीलाई व्यवस्थित गर्न र आन्तरिक रोजगारीका अवसर सिर्जना गर्न आधार तयार गरेको दाबी गरेका छन् ।

२०७८ असोज २२ गते श्रम, रोजगार तथा सामाजिक सुरक्षा मन्त्रालयको जिम्मेवारी सम्हालेका उनले आन्तरिक रोजगारीका अवसर सिर्जना गर्न नीतिगत, कानूनी, संरचनागत सुधार मार्फत यो क्षेत्रलाई व्यवस्थित गर्ने आधार तयार गरिएको बताएका छन् ।
त्यस्तै, उनले सचूना प्रबिधिको अधिकतम उपयोग गरी श्रम स्वीकृतीलाई पेपरलेस बनाइ सहज रूपमा सेवा प्रदानको सुरुवात गरेको पनि दाबी गरेका छन् ।

आफूले यस मन्त्रालयको कार्यभार सम्हालेपछि वैदेशिक रोजगारीमा व्याप्त बेथिति हट्ने आशा जागेको पनि मन्त्री श्रेष्ठले विश्वास ब्यक्त गरेका छन् ।

मन्त्री श्रेष्ठले सार्वजनिक गरेको आफ्नो सय दिनको उपलब्धि हेर्नुहोस्