काठमाडौं । राष्ट्रिय प्रजातन्त्र पार्टीले प्रदेश १ वाहेक अन्यत्र प्रदेशको आज हुन लागेको राष्ट्रियसभा सदस्य चुनाव वहिष्कार गर्ने भएको छ । उसले वहिष्कार शब्द नै प्रयोग नगरेपनि प्रदेश १ मा वाहेक अन्य प्रदेशमा निर्वाचनमा मतदान नगर्ने भनी औपचारिक निर्णय नै गरेको छ ।

तर यसलाई वहिष्कारको शब्दकै रुपमा नभन्न राप्रपाले भनेको छ । मतदानमै सहभागी नहुने भनेपछि राप्रपाको शब्द जे प्रयोग गरेपनि उसको यो वहिष्कार नै हो । प्रदेश १ मा भने उसले आफ्नै पार्टीका उम्मेदवार रहेका कारण मतदान गर्ने र अन्य प्रदेशमा पार्टी उम्मेदवार नभएकोले मतदान नगर्ने निर्णय गरेको हो ।

राप्रपा महामन्त्री भुवन पाठकका अनुसार प्रदेश १ मा आफ्ना पार्टीका उम्मेदवार अम्मरबहादुर विष्ट र रञ्जु प्याकुरेललाई मात्र मतदान गर्न भनिएको छ ।

राप्रपाले प्रदेश १ मा एमालेसँग सहकार्य गर्ने निर्णय गरेको थियो । तर, अहिले त्यो निर्णय परिवर्तन भएको छ । राप्रपाको प्रदेश १ को निर्णय परिवर्तन भएसागै एमालेलाइृ झिनो चुनाव जित्ने आश रहेको प्रदेश १ को चुनावमा पनि धक्का लाग्ने सम्भावना देखिएको छ ।