काठमाडौं । नेपाली विदेशमा २१ लाख  ६९ हजारभन्दा बढी रहेको पाइएको छ ।

केन्द्रीय तथ्यांक विभागले बुधबार सार्वजनिक गरेको राष्ट्रिय जनगणना–२०७८ को प्रारम्भिक नतिजाअनुसार २१ लाख ६९ हजार ४७८ जना अक्सर नेपाली विदेशमा बसोबास गरेको देखिएको हो ।

त्यसमध्ये पुरुष १७ लाख ६३ हजार ३१५ र महिला चार लाख ६ हजार १०३ अर्थात (१८.७२) रहेका देखिन्छ । १० वर्षअघि अर्थात २०६८ तुलनामा ०७८ मा विदेशिने महिलाहरूको संख्या ७१.०९ प्रतिशतले बढेको देखिन्छ ।

जनगणनामा अनुपस्थित हुने ७७ जिल्लाकै व्यक्तिहरू छन् । जसमा सबैभन्दा बढी विदेशमा काठमाडौं, झापा, मोरङ,कैलाली र रुपन्देही रहेका छन् । भने सबैभन्दा मनाङ, डोल्पा, हुम्ला, मुगु र मुस्ताङ रहेका छन् ।

०६८ सालमा घरपरिवारमा अनुपस्थित (विदेशमा अक्सर बसोबास गर्ने नेपालीहरु) को संख्या १९ लाख २१ हजार ४९४ थियो ।

जसमा पुरुष १६ लाख ८४ हजार २९ (८७.६४) रहेका थिए भने महिला दुई लाख ३७ हजार ४०० (१२.३६) थिए ।