काठमाडौं । बाग्मती प्रदेशमा राष्ट्रियसभा सदस्यका लागि सत्ता गठबन्धनका दुवै जना निर्वाचित भएका छन् ।

गठबन्धनका तर्फबाट महिलामा नेकपा (एकीकृत समाजवादी) बाट गोमादेवी तिमल्सिना र अन्यमा कांग्रेसबाट कृष्णप्रसाद पौडेल विजयी भएका छन् ।

चार हजार ८२४ मतभार प्राप्त गरी तिमल्सिना निर्वाचित हुँदा पौडेल ४ हजार ७९४ मत प्राप्त गरी विजयी भएका छन् ।

त्यस्तै, विपक्षी दल नेकपा एमालेबाट निरुकुमारी कुँवरले ४ हजार ३६२ मत प्राप्त गरिन् भने अन्यमा गोपाल शाक्यले ४ हजार ३४४ मत प्राप्त गरे ।

यसैगरी नेमकिपाबाट महिलामा उम्मेदवारी दिएकी गीता काफ्लेको १३२ मतभार प्रप्त गरिन् भने अन्यमा कृष्णबहादुर तामाङले १३२ मत प्राप्त गरे ।

बागमती प्रदेशमा प्रदेशसभा सदस्य १०६ जनाले र स्थानीय तहका २३७ जनाले मतदान गरेकाथिए ।