काठमाडौं । नेकपा (माओवादी केन्द्र) पाट्री त्यागेको विषयमा पार्टीले स्पष्टिकरण माग्दा तोकिएको समयभित्र स्पष्टीकरण नदिएपछि प्रदेश १ को योजना मन्त्री टंक आङ्बुहाङलाई पार्टीले कारबाही गरेको छ।

माओवादी केन्द्र पार्टी परित्याग गर्दै प्रदेश १ को सरकारको मन्त्री बनेका टंक आङ्बुहाङलाई मन्त्री बनेको दश दिनपछि पार्टीले पदमुक्त गरेको हो।

माओवादी केन्द्र १ नं.प्रदेश सभा संसदीय दलको सिफारिस अनुसार उनले उनलाई पार्टीका केन्द्रीय अध्यक्ष पुष्पकमल दाहाल प्रचण्डुले उनलाई पार्टीको साधारण सदस्यसमेत नरहने गरी निष्काशन गरेको हो।

टङ्क आङ्बुहाङलाई चैत १७ गते नेकपा माओवादी केन्द्र प्रदेश १ संसदीय दलले २४ घण्टे स्पष्टिकरण सोधेको थियो । तर उनले स्पष्टीकरण बुझाएका थिएनन् ।

नेकपा संसदीय दलका उपनेता आङ्बुहाङ ताप्लेजुङ ‘ख’ बाट निर्वाचित सांसद हुन्।