काठमाडौँ । उपप्रधानमन्त्री ईश्वर पोखरेलले आज नेकपा (एमाले)का वरिष्ठ नेता झलनाथ खनालको स्वास्थ्यावस्थाबारे जानकारी लिएका छन् ।

नर्भिक अस्पताल पुगेर उनले पूर्वप्रधानमन्त्री खनालको स्वास्थ्यावस्थाबारे जानकारी लिएएको उनका प्रेस सल्लाहकार गणेश पाण्डेले जानकारी दिए ।

कोभिड–१९ संक्रमण देखिएपछि नेता खनाल शनिबार अस्पतालमा भर्ना भएका थिए । उनलाई शनिबार साँझदेखि नै अक्सिजनको सहयोगमा उपचार शुरु गरिएको थियो । रासस