काठमाडौँ । प्रधानमन्त्री केपी शर्मा ओलीले जनताको जीवनरक्षा सरकारको पहिलो प्राथमिकता भएको बताएका छन् । कोरोना भाइरस महामारीले समग्र क्षेत्रमा प्रभाव पारेपनि सरकारले जनताको जीवनरक्षालाई पहिलो प्राथमिकतामा राखेर काम गरिरहेको पनि ओलीले दाबी गरे ।

सोमबार राष्ट्रका नाममा सम्बोधन गर्दै प्रधानमन्त्री ओलीले यस्तो बताएका हुन् । प्रधानमन्त्री ओलीले काठमाडौंमा १ हजार शय्याको अस्थायी कोभिड अस्पताल बनाउन नेपाली सेनालाई निर्देशन दिइएको पनि बताए।