भारत।आईसीसी पुरुष टी–२० विश्वकप २०२६ अन्तर्गत समूह ‘सी’ को रोमाञ्चक खेलमा वेस्ट इन्डिजले स्कटल्यान्डलाई ३५ रनले पराजित गर्दै सशक्त जित हासिल गरेको छ।

टस हारेर पहिले ब्याटिङ गरेको वेस्ट इन्डिजले निर्धारित २० ओभरमा ५ विकेट गुमाएर १८२ रन बनायो। टोलीका लागि शिमरोन हेटमायर उत्कृष्ट प्रदर्शन गर्दै केवल ३६ बलमा ६४ रन बनाए र इनिङ्सलाई मजबुत आधार दिए।

१८३ रनको लक्ष्य पछ्याएको स्कटल्यान्डले राम्रो प्रयास गरे पनि आवश्यक रन गति कायम राख्न सकेन। वेस्ट इन्डिजका बलरहरूले लगातार दबाब सिर्जना गरे। विशेषगरी रोमारियो शेफर्ड ले खेल पल्टाउने बलिङ प्रदर्शन गर्दै ह्याट्रिकसहित पाँच विकेट लिए।

अनुशासित बलिङ र उत्कृष्ट फिल्डिङका कारण वेस्ट इन्डिजले स्कटल्यान्डलाई १८.५ ओभरमा १४७ रनमै अलआउट गर्‍यो। यो जितसँगै वेस्ट इन्डिजले प्रतियोगितामा आत्मविश्वासपूर्ण सुरुआत गरेको छ।

यस खेलमा वेस्ट इन्डिजका कप्तान जेसन होल्डर ले पनि ऐतिहासिक उपलब्धि हासिल गर्दै टी–२० अन्तर्राष्ट्रिय क्रिकेटमा १०० विकेट पूरा गर्ने पहिलो वेस्ट इन्डिजियन बलर बने।

अब वेस्ट इन्डिज अर्को समूह चरणको खेलतर्फ आत्मविश्वासका साथ अघि बढ्नेछ भने स्कटल्यान्ड आफ्नो पहिलो जितको खोजीमा पुनः तयारी गर्नेछ।