पोखरा । गण्डकी प्रदेशका निवर्तमान प्रदेश प्रमुख अमिक शेरचनले पदमुक्त भएकोमा खुसी लोगेको बताएका छन् । आज पोखरामा पत्रकार सम्मेलन गर्दै उनले अधिकारविहीन खुला जेलबाट मुक्त भएको बताएका छन् ।

ओलीजी र प्रचण्डजी मार्फत प्रदेश प्रमुखको प्रस्ताव आउँदा मैले अस्वीकार गरेको थिए उनले भने, पार्टीको निर्णय सुनाएपछि बाध्य भई स्वीकारको पद हो । उनले अधिकारविहीन खुला जेलबाट पदमुक्त गरेकोमा राष्ट्रपतिलाई धन्यवाद समेत दिए । माओवादी केन्द्रको तर्फबाट गण्डकी प्रदेश प्रमुख भएका शेरचनलाई हटाएर सरकारले एमाले नेता सीता पौडेललाई नियुक्त गरिएको छ ।

प्रदेश प्रमुख भएर १८ महिना २ दिनसम्म काम गरेको जानकारी दिंदै शेरचनले यो अवधिमा कुनै असंवैधानिक काम नगरेको बताए ।