काठमाडौं । नेपाली कांग्रेसले प्रधानमन्त्री केपी ओलीलाई विश्वासकाे मतमा फेल बनाउने निर्णय गरेकाे छ । सभापति शेरबहादुर देउवा निवासमा आज बसेकाे पदाधिकारी र पूर्वपदाधिकारीसहितकाे बैठकले प्रधानमन्त्री ओलीलाई विश्वासकाे मतमा असफल बनाउन पहल गर्ने निर्णय गरेकाे हाे ।

त्यसका लागि अन्य दलसँग पनि छलफल गर्ने निर्णय भएकाे बैठकपछि कांग्रेस सहमहामन्त्री प्रकाशशरण महतले जानकारी दिए। वैशाख २७ गते संसदमा प्रधानमन्त्रीले विश्वासकाे मत लिँदा कांग्रेस त्यसकाे विपक्षमा उभिने उनकाे भनाइ थियाे ।

संसद् छलेर अध्यादेशमार्फत शासन चलाउने सरकारको कार्यशैली घोर आपत्तिजनक– देउवा

त्यस्तै कांग्रेसले सरकारले संसद छलेर अध्यादेश ल्याएकाेमा पनि भत्सर्ना गरेकाे छ । केन्द्रकाे निर्देशनमा प्रदेशमा अल्पमतमा पुगेपछि पनि मुख्यमन्त्री राख्ने काम गरेर संवैधानिक मान्यता भत्काउने काम भएकाे भन्दै त्यसमा पनि कांग्रेसले आपत्ति जनाएकाे छ ।

बैठककाे निर्णय सार्वजनिक गर्दै सहमहामन्त्री प्रकाशशरण महत