काठमाडौं । काठमाडौं उपत्यकाका सात अस्पतालले कोरोना संक्रमितबाट चर्को शुल्क असुलेको पाइएको छ । काठमाडौं जिल्ला प्रसासन कार्यालय,औषधि व्यवस्था विभाग र वाणिज्य आपूर्ति तथा उपभोक्ता विभागले बिहिबार गरेको अनुगमनमा ती ७ अस्पतालले कोरोनाका बिरामीबाट चर्को शुल्क लिएको भेटिएको हो ।

७ अस्पतालहरुमा ग्रान्डी,ह्याम्स,सिभिल, केएमसी, मेडिकेयर,ओम,मेट्रो अस्पतालमा अनुगमन गरेको थियो । जसमा अधिकाशं अस्पतालहरुले कोरोना संक्रमितबाट चर्को शुल्क लिनुका साथै कोभिड मापदण्ड पालना समेत नगरेको भेटिएको छ । ति अस्पताललाई थप कारबाही गर्न स्वास्थ्य मन्त्रालयसँग समन्वय गर्ने अनुगमन टोलीले जनाएको छ ।

यसैगरी, अनुगमनमा कोरोनाको जटिल बिरामीलाई प्रयोग गरिने रेम्डेसिभिर औषधि निजामति अस्पताल र ह्याम्स अस्पताल अस्पताल बाहेक सबैले सकेको भेटिएको छ । औषधि व्यवस्था विभागले मंगलबार मात्र ति अस्पतालहरुलाई रेम्डेसिभिर उपलब्ध गराएको थियो ।