काठमाडौं । औषधि व्यवस्था विभागले कोभिडबिरुद्धको रसियन खोप स्पुतनिक भीलाई आयात गर्न अनुमति दिएको छ । विभागले लोमस फर्मालाई स्थानीय एजेन्टको रुपमा खोप आयात गर्न अनुमति दिएको हो ।

रुसी सरकारी संस्था ग्यामेलिया नेशनल रिसर्च सेन्टरले विकास गरेको उक्त खोप ९२ प्रतिशत बढी प्रभावकारी भएको मानिएको छ । यो खोप २१ दिनको अन्तरमा दुई डोज लगाउन पर्ने बताईएको छ भने भण्डारण २ देखि ८ डिग्री तापक्रममा राख्नुपर्ने बताइएको छ । विभागका महानिर्देशक भरत भट्टराईले स्पुतनिक भी खोप आयातका लागि अनुमति दिइएको बताए ।

हालम्म उक्त खोप नेपालमा प्रयोग गरिएको भने छैन । यसअघि बुधबार मात्रै विभागले भारतको सेरम इन्स्टिच्युटले उत्पादन गरेको कोभिसिल्ड हुकुम डिस्टव्युटरर्सलाई र भारत बायोन्टेकले उत्पादन गरेको कोभ्याक्सिन ल्याउन इमराल्ड फर्मालाई अनुमति दिएको थियो