काठमाडौँ । नेकपा एमाले गण्डकी प्रदेशका सबै जिल्ला अध्यक्षहरूले पार्टी एकतालाई जोड दिँदै शीर्ष नेताहरूलाई जवाफदेही हुन आग्रह गरेका छन् । प्रदेशमा रहेका ११ वटा जिल्लाका जिल्ला अध्यक्षहरूले जनताप्रतिका जवाफदेहितालाई आत्मसाथ गर्दै सबै नेताहरू एकताबद्ध हुन आग्रह गरेका हुन् ।

उनीहरूले सामूहिक रुपमा हस्ताक्षर गर्दै जारी गरेको विज्ञप्तिमा भनिएको छ, ‘नेपाल कम्युनिष्ट पार्टी (एमाले) पार्टी जिवन्त गतिशील पार्टी हो । नेपाली कम्युनिष्ट आन्दोलनको मूल प्रवाह हो । हाम्रो पार्टीभित्र विगत वर्षहरूदेखि आन्तरिक अन्तरविरोधहरू देखा परिरहेका छन्, यो अन्तर संर्घर्षले पार्टीलाई क्षति पुर्याएको हामीले महशुस गरिरहेका छौँ ।’

उनीहरूले पार्टीका शीर्ष नेताहरूलाई आफ्नो मूल्य मान्यता र जनताप्रतिको जवाफदेहितालाई ध्यान दिनसमेत आग्रह गरेका छन् ।