दाङ । जिल्लाको तुलसीपुर कारागारमा एक कैदीबन्दी मृत अवस्थामा फेला परेका छन् । शनिबार बेलुका खाना खाएर सुतेका ४६ वर्षीय खड्ग बुढाथोकीको आज बिहान ८ बजे मृत अवस्थामा फेला परेको प्रहरीले जानकारी दिएको हो ।

गत २०६८ साल असार ११ गतेदेखि कर्तव्य ज्यान मुद्दामा सजाय भोगिरहेका सल्यानको कपुरकोट गाउँपालिका ३ का बुढाथोकी मृत फेला परेको इलाका प्रहरी कार्यालय तुलसीपुरका प्रहरी नायव उपरीक्षक (डिएसपी) शिवबहादुर सिंहले मेरोन्युजलाई जानकारी दिए ।

‘शनिबारसम्म उनको स्वास्थ्यमा कुनै समस्या देखिएको थिएन, अब मृतकको परिवार आएपछि मात्रै शव पोष्टमार्टमका लागि राप्ती प्रादेशिक अस्पताल तुलसीपुरमा पठाउने तयारी गरेका छौँ,’ डिएसपी सिंहले भने ।