काठमाडौँ । प्रतिनिधिसभाको कार्यव्यवस्था परामर्श समितिको बैठक सुरु भएको छ । सभामुख अग्नि प्रसाद सापकोटाले समितिको बैठक बोलाएका थिए ।

नयाँ बानेश्वरस्थित संसद भवनमा बस्ने बैठकमा सोमबार बस्ने प्रतिनिधिसभाको बैठक सञ्चालनबारे छलफल हुने सभामुखको सचिवालयले जनाएको छ ।

बैठकले कोरोना भाइरस (कोभिड–१९) संक्रमित सांसदहरू तथा पिसिआर परीक्षण नगरेका सदस्यहरूलाई कसरी उपस्थिति र मतदान गराउने भन्नेबारे निर्णय गर्ने छ ।

संसद सचिवालयका अनुसार २६ जना सांसदलाई कोरोना संक्रमण पुष्टि भएको छ । यसैबीच प्रधानमन्त्री केपी शर्मा ओलीले भोलि संसदबाट विश्वासको मत लिने भएका छन् ।