काठमाडौं । विदेशबाट ७ खर्ब २९ अर्ब रुपैयाँ भित्रिएको छ । अघिल्लो आर्थिक वर्षको तुलनामा यो १६ दशमलब ५ प्रतिशतले धेरै रहेको नेपाल राष्ट्र बैंकले जनाएको छ । अमेरिकी डलरमा विप्रेषण आप्रवाह १३ प्रतिशतले वृद्धि भई ६ अर्ब १९ करोड पुगेकाले चालु आर्थिक वर्षको ९ महिना अर्थात् २०७७ चैत्र अन्तिम सम्ममा सुधार आएको हो ।

विदेशमा काम गरेर आउने रकम विप्रेषण (रेमिट्यान्स) मा सुधार आएपनि पनि वैदेशिक रोजगारीमा जानेको संख्या भने घटेको छ । चैत्र अन्तिमसम्ममा वैदेशिक रोजगारीका लागि अन्तिम श्रम स्वीकृति लिनेमा ६६ दशमलब ७ प्रतिशतले घटेको राष्ट्र बैंकको तत्थ्यांकमा उल्लेख छ ।

अघिल्लो वर्षको सोही अवधिमा यस्तो संख्या १० दशमलब २ प्रतिशतले बढेको थियो । वैदेशिक रोजगारीका लागि पुनः श्रम स्वीकृति लिने नेपालीको संख्या समीक्षा अवधिमा ५५ दशमलब ७ प्रतिशतले घटेको छ ।