काठमाडौं । नेपाली कांग्रेसका उपसभापति तथा पूर्व उपप्रधानमन्त्री विजयकुमार गच्छदारलाई पत्नीशोक परेको छ ।

उनकी श्रीमती निर्मला गच्छदारको उपचारको क्रममा शनिबार विहान ४ बजे थापाथलीस्थित नर्भिक अस्पतालमा निधन भएको हो । कलेजोकाे समस्या समेत रहेकाे उनलाई केही दिन अघि काेराेना संक्रमण भएपछि नर्भिक अस्पतालमा भर्ना गरिएको थियो ।

यसैबीच, कांग्रेस सभापति शेरबहादुर देउवाले उपसभापति गच्छदारकी धर्मपत्नीकाे निधनप्रती दुख व्यक्त गरेका छन् ।

उनले सामाजिक सञ्जाल फेसबुकमा लेखेका छन् – ‘नेपाली कांग्रेसका उपसभापति एवं मेरा मित्र बिजयकुमार गच्छदारकी धर्मपत्नी निर्मला गच्छ्दारको निधनको खवरले मर्माहित भएको छु। उहाँको आत्माको चीरशान्तिको कामना गर्दै विजयजी लगायत शोकाकुल परिवारजनमा गहिरो समवेदना व्यक्त गर्दछु।’