बेंसीसहर । लमजुङको भुलभुले क्षेत्रलाई केन्द्रविन्दु बनाएर विहानै गएको भूकम्पका कारण यस क्षेत्रका केही घर भत्किएको छ भने केही मानिसहरु घाइते भएको पारम्भिक सूचना प्राप्त भएको छ ।

बिहान ५ बजेर ४२ मिनेटमा ५ दशमलव ८ रेक्टर स्केलको भूकम्प गएको थियो ।

भूकम्पले बेंसीसहर नगरपालिका–६ चनौटे का केही घरमा क्षति पुगेको छ । मर्स्याङ्दी गाउँपालिकाका घरहरूमा बढीजसो क्षति पुगेको छ । गाउँपालिका अध्यक्ष अर्जुन गुरुङ यकिन विवरण संकलन कार्य थालिएको बताए । भूकम्पपछि मानिसहरूबीच भागाभाग भएको र कही स्थानिय घाइते भएको समेत उनले बताए ।

घर भत्किँदा बेंसीसहर नगरपालिका–६ चनौटेकी ३६ वर्षीया उमा गुरुङ र बेंसीसहर–११ रामचोकबेंसीकी ८७ वर्षीया खोपकुमारी पाण्डे घाइते भएकी छिन् । दुवै घाइतेको लमजुङ जिल्ला अस्पतालमा उपचार शुरु गरिएको छ ।

मर्स्याङ्दी गाउँपालिका–६ ठूलीबेंसीमा मा पनि गोविन्द अधिकारी घाइते भएका छन् । प्रमुख जिल्ला अधिकारी होमप्रसाद लुइँटेलले क्षतिको यकिन विवरण संकलन कार्य थालिएको र आउन वाकी रहेको बताए ।